Copy
Skjalafréttir Þjóðskjalasafns Íslands
Skoða Skjalafréttir í vafra
Skjalafréttir 10. tbl. 18. desember 2015

Þroskastig skjalavörslu

Þjóðskjalasafn birtir þroskastig skjalavörslu afhendingarskyldra aðila. 
 
Árið 2012 stóð Þjóðskjalasafn Íslands fyrir eftirlitskönnun á meðal afhendingarskyldra aðila ríkisins til að kanna stöðu skjalavörslu hjá hinu opinbera.  Könnunin var send rafrænt á 207 aðila og af þeim svöruðu 173 stofnanir. Niðurstöður könnunarinnar voru kynntar í skýrslu sem kom út árið 2013. Nú hafa niðurstöður könnunarinnar verið unnar áfram og útbúið módel til að meta þroskastig skjalavörslu opinberra aðila. Til þess að meta stöðu einstakra stofnana og setja niðurstöður könnunarinnar í samanburðarhæft form voru fimm þroskastig skjalavörslu skilgreind út frá þeim lögum og reglum sem gilda um skjalavörslu afhendingarskylda aðila. Skilgreiningarnar ásamt nánari upplýsingum um módelið og niðurstöður þess má nálgast á vefsíðu Þjóðskjalasafns.

Þroskastig skjalavörslu afhendingarskyldra aðila.
 
Þjóðskjalasafn áætlar að senda út nýja eftirlitskönnun á fyrri hluta næsta árs. Sú könnun verður með svipuðu sniði og hin fyrri og er tilgangurinn meðal annars að sjá hver þróunin hefur verið, á stöðu skjalavörslu afhendingarskyldra aðila, frá síðustu könnun. Vonumst við þannig til að geta sýnt fram á mælanlegan árangur af því góða starfi sem unnið hefur verið í skjalamálum hjá afhendingarskyldum aðilum undanfarin ár

Hugtakið: Skjalavistunaráætlun

Skjalavistunaráætlun er grundvallarstjórntæki í skjalasafni afhendingarskyldra aðila. Í henni eru upplýsingar um myndun, varðveislu og aðgengi að öllum skjalaflokkum sem verða til í starfseminni. Skjalavistunaráætlun veitir yfirlit yfir ákvarðanir sem hafa verið teknar um hvern skjalaflokk, þau skjöl sem mynda hann og um meðferð og frágang skjalanna. Skjalavistunaráætlun er því vitnisburður um myndun, aðgengi og varðveislu allra skjalaflokka sem verða til í starfsemi afhendingarskyldra aðila.
Vertu vinur okkar á Facebook
Vertu vinur okkar á Facebook
Vefur Þjóðskjalasafns
Vefur Þjóðskjalasafns
Þjóðskjalasafn Íslands © 2015 Þjóðskjalasafn Íslands, Allur réttur áskilinn.


Hætta í áskrift    Uppfæra upplýsingar um áskrift 

Email Marketing Powered by Mailchimp