Námskeiðið Spurt og svarað um rafræn gagnsöfn fer fram næst komandi þriðjudag 7. mars kl. 10. Líkt og með fyrri námskeið safnsins fer það fram í gegnum fjarfund á Teams.
 
Námskeiðið er með óhefðbundnu sniði en á því sitja sérfræðingar safnsins í rafrænni skjalavörslu fyrir svörum um allt á milli himins og jarðar sem varðar myndun, varðveislu og afhendingu úr rafrænum gagnasöfnum afhendingarskyldra aðila. Vakin er athygli á því að hægt er að senda spurningar fyrifram sem teknar verða fyrir á námskeiðinu. Hægt er að senda spurningar til Heiðars Lind Hanssonar skjalavarðar á netfangið heidar.l.hansson@skjalasafn.is
 
Skráning á námskeiðið stendur enn yfir. Hægt er að skrá sig hér (https://radgjof.skjalasafn.is/fraedsla/namskeid/skraning-a-namskeid/). Um leið er minnt á að síðasta námskeið vetrarins fer fram þriðjudaginn 21. mars nk. en það ber yfirskriftina Innra eftirlit í rafrænum gagnasöfnum. Nánari upplýsingar um það eru að finna hér (https://radgjof.skjalasafn.is/fraedsla/namskeid/)

Reglur nr. 85/2018 um skráningu mála og málsgagna afhendingarskyldra aðila kveða á um að skrá skuli bæði heiti máls sem og efni skjals sem því máli tilheyrir. Með efni skjals er átt við að skrá eigi stutta lýsingu á efnisinnihaldi skjals, með öðrum orðum lýsandi heiti. Gott er að hafa heiti á sambærilegum málum samræmd og hið sama á við um heiti sambærilegra skjala. Dæmi: Ekki gefa skjali heitið „Scan210618“ heldur „Skýrsla um skjalavörslu og skjalastjórn 2018“. Málsheiti þurfa líka að vera lýsandi og skýr. Þannig er leitarbærni í framtíðinni tryggð.