Copy

 
STARFSMENNTUN
Erasmus+ styrkur - nám í bakaraiðn - reynslusaga

Íris Björk Óskarsdóttir bakarasveinn segir frá reynslu sinni af starfsnámi á hóteli í Helsinki. Smellið á myndina til þess að sjá viðtalið.

SÆKJA UM ÞÁTTTÖKU Á TENGSLARÁÐSTEFNU UMSÓKNARFRESTUR ER TIL OG MEÐ 5. JAN. NK.

Erasmus+ tengslaráðstefna á sviði starfsmenntunar á Spáni

Landskrifstofa Erasmus+ mennta- og æskulýðsáætlunar ESB á Íslandi auglýsir eftir þátttakendum á ráðstefnu á sviði starfsmenntunar sem ber heitið „Exchange of good practices to succeed in applications, project management and impact“. Ráðstefnan verður haldin í Zaragoza á Spáni 25. – 27. janúar nk. Áætlaður fjöldi þátttakenda er 100 manns, þar af eiga Íslendingar tvö sæti.

Megin markmið ráðstefnunnar er að þátttakendur kynnist vel tækifærum Erasmus+, deili reynslu og aðferðum góðra verkefna, finni samstarfsaðila og nái að vinna að nýjum gæðaumsóknum.

Markhópar ráðstefnunnar eru  starfsmenntaskólar og stofnanir sem vilja bjóða nemendum sínum og starfsfólki að taka þátt í evrópsku samstarfi. Einnig sveitastjórnir og aðrir þjónustuaðilar í svæðasamstarfi. Þeir sem taka þátt skulu stefna að því að þróa verkefnahugmyndir og sækja um Erasmus+ verkefni.

Á tengslaráðstefnur koma aðilar frá mörgum Evrópulöndum og er tilgangur þeirra að efla tengsl fagfólks frá mismunandi  löndum og finna samstarfsaðila með það í huga að senda inn umsókn í Erasmus+ áætlunina á næsta umsóknarfresti, 2.febrúar 2017 fyrir verkefni á sviði náms og þjálfunar (KA1) og 29.mars fyrir samstarfsverkefni (KA2).

Í umsókn fyrir þátttöku á tenglsaráðstefnu skulu koma fram upplýsingar um nafn, stofnun og stöðu innan skóla. Einnig upplýsingar um reynslu umsækjanda og verkefnishugmynd. Við úthlutun styrkja er meginreglan að ekki fari nema einn frá hverjum skóla, fyrirtæki eða stofnun.

Landskrifstofa Erasmus+ á Íslandi veitir styrk fyrir ferðakostnaði. Annar kostnaður, gisting og uppihald meðan á ráðstefnunni stendur, er greiddur af skipuleggjanda ráðstefnu.

Dagskrá (pdf)
Nánari uppl. (pdf)

Umsóknarfrestur er til og með 5. jan nk.

Tölvupóstur
Tölvupóstur
Vefsíðan
Vefsíðan
Facebook
Facebook
Myndbönd
Myndbönd
Öll réttindi áskilin © 2016 Rannís


afskrá mig    uppfæra skráningu